#mirsuechädi

Ä Physio-Familie suecht Nachwuchs!

Stellenbezeichnung

Üsi chlini Physio-Familie suecht Nachwuchs. Mir, es Team vo 7 Persone bruche öpper, wo üs ab sofort oder nach Veribarig duet ungerstütze. I üsere Dorf-Praxis, mit fascht 400 m², behandle mir quer Beet aues. Zudäm schaffe mir mitere Praxis zäme, wo 10 Min vo üs entfärnt isch.

Ä Physio (w/m)

Pensum: 50-100%

Was mir suechä:

• Ä motivierti und engagierti Person, wo gärn Patiänte betreut
• Du machsch e gezielte Befund und aschliessend e passendi Behandlig
• Mithöuf und Dürefüehrig vo Fobis und Rapport
• Betröig vo Patiente / Kliänte im MTT
• S‘ Wichtigschte: Ä Person wo i üses Team passt à dynamisch und humorvou

Mir sih:

• Nives: Praxisinhaberin -- s reisesüchtige Durazell-Häsli
• Coni: Stöuverträterin -- die perfektionistischi Morge-Schweigerin
• Sarah: Muetterschaftsurlaub -- dr distanzliebend Büro-Star
• Elio: Physio -- dr grossgwachsnig Fürobe-Bierler
• Bea: Physio -- die guetgluunti Chaotin
• Nadine: Physio -- die liebevoui Gamer-Mami
• Marina: Naturheilpraktikerin -- die härzlechi Stil-Ikone

Mir biete:

• Grössteteils flexibli Arbeitszyte (Johresarbreitszyte)
• Attraktivi Arbeitsbedingige (was au immer das mag heisse, aber es steit i jedem Stöuebeschrieb 😊)
• 5 Wuche Ferie
• wüchentlichi interni Fortböudig/ Rapport
• Externi Fortböudig (mit 100% = 5 Täg und 1000.- CHF)
• Behandlig im 30 Min Rhythmus
• Bürozyte und zauti Pouse (je 30 Min pro Arbeitstag)
• S‘ Arbeitspensum definiere mir gmeinsam
• E grosse Pouseruum mit Terrasse fürd Teamböudig

Hesch du s Gfüehu du passisch zu üs. De mäud di doch ir Praxis bir Nives oder bim Coni unter 032 675 26 26 oder per Mail uf info@physiotherapie-recherswil.ch

Arbeitgeber

Physiotherapie Recherswil GmbH