Stellenbezeichnung

Üsi chlini Physio-Familie suecht Nachwuchs. Mir, es Team vo 6 Persone bruche öpper, wo üs ab sofort oder nach Veribarig duet ungerstütze. I üsere Dorf-Praxis, mit fascht 400 m2, behandle mir quer Beet aues. 

Ä Physio (w/m) 

Pensum: 40-100%

Was mir suechä:

• Ä motivierti und engagierti Person, wo gärn Patiänte betreut
• Du machsch e gezielte Befund und aschliessend e passendi Behandlig 
• Mithöuf und Dürefüehrig vo Fobis und Rapport
• Betröig vo Patiente / Kliänte im MTT
• S‘ Wichtigschte: Ä Person, wo i üses Team passt à dynamisch und humorvou

Mir sih: 

•  Nives: Praxisinhaberin - s reisesüchtige Durazell-Häsli 
•  Sarah: Stöuverträtig - dr distanzliebend Büro-Star
•  Coni: Physio - die perfektionistischi Morge-Schweigerin
•  Bea: Physio - die guetgluunti Chaotin
•  Nadine: Physio - die liebevoui Gamer-Mami
•  Leonie: Physio - die grüendümigi Künschtlerin 

Mir biete:

• Grössteteils flexibli Arbeitszyte (Johresarbreitszyte)
• Attraktivi Arbeitsbedingige (was au immer das mag heisse, aber es steit i jedem Stöuebeschrieb 😊)
• 5 oder 6 Wuche Ferie, das entscheidisch du
• wüchentlichi interni Fortböudig/ Rapport
• Externi Fortböudig (mit 100% = 5 Täg und 1000.- CHF)
• Behandlig im 30 Min Rhythmus
• Bürozyte und zauti Pouse (je 30 Min pro Arbeitstag)
• S‘ Arbeitspensum definiere mir gmeinsam
• E grosse Pouseruum mit Terrasse fürd Teamböudig

Hesch du s Gfüehu du passisch zu üs. De mäud di doch ir Praxis bir Nives oder bir Sarah unter 032 675 26 26 oder per Mail uf info@physiotherapie-recherswil.ch